​निशान घिमिरे बने नेविसंघ सङ्खुवासभाको उपसभापति

सङ्खुवासभा — नेपाल विद्यार्थी संघ (नेविसंघ) जिल्ला कार्यसमिति सङ्खुवासभाको उपसभापति पदमा निशान घिमिरे मनोनीत हुनुभएको छ। धर्मदेवी नगरपालिका-४ निवासी घिमिरेलाई नेविसंघको विधान २०२७ (सातौँ संशोधन २०७५) को धारा ६ को १० बमोजिम उक्त जिम्मेवारी प्रदान गरिएको हो।

​नेविसंघ सङ्खुवासभाका जिल्ला सभापति चिरञ्जीवी श्रेष्ठद्वारा जारी पत्रमा घिमिरेलाई उपसभापति पदमा मनोनयन गरिएको जानकारी गराउँदै बधाई तथा सफल कार्यकालको शुभकामना व्यक्त गरिएको छ।

​संघको विधान, नीति तथा उद्देश्य अनुरूप सङ्गठनलाई थप सुदृढ, गतिशील र प्रभावकारी बनाउन नयाँ नेतृत्वले महत्त्वपूर्ण भूमिका खेल्ने विश्वास लिइएको छ। उक्त पत्रको बोधार्थ नेपाली कांग्रेस जिल्ला कार्यसमिति सङ्खुवासभा र नेविसंघ केन्द्रीय कार्यसमितिलाई दिइएको छ।